Berati, qyteti i një mbi një dritareve, është renditur mes 10 vendeve më të njohura në botë për lidhjen me hyjnoren dhe fushën energjike të lartë.
“Behind the Illusion” renditi 10 destinacione të njohura për energjinë e tyre të lartë.
”Ka vende në botë ku njerëzit mund të ndiejnë lidhjen me hyjnoren. Njerëzit e ndjeshëm, kur kalojnë natën në atë vend, ëndërrojnë gjëra të çuditshme. Vende të tilla mund t’u japin përgjigje pyetjeve që ju kanë munduar prej kohësh dhe ju mund të ndieni energji të përqendruar në një nivel më të lartë shpirtëror”, shkruan “Behind the Illusion”.
Sipas saj, edhe Berati është një ndër vendet e njohura në botë për lidhjen me hyjnoren dhe fushën energjike të lartë.
“Behind the Illusion” shkruan: “Berati është një krenari e arkitekturës shqiptare. Qyteti i vjetër dhe është nën mbrojtjen e UNESCO-s. Berati paraqet një ndërthurje të mrekullueshme të kulturës, traditave dhe zakoneve lindore dhe perëndimore.
Në Berat, njerëzit kanë një energji shpirtërore shumë të fuqishme të shërimit. Sot, pas mureve të qytetit ka ende njerëz që nuk besojnë në sëmundje, duke e bërë këtë vend unik dhe autentik”.
Më tej, në shkrimin e publikuar nga “Behind the Illusion” thuhet se: Berati është thesari i historisë shqiptare dhe dëshmi e harmonisë midis besimit dhe kulturës.
