Aktori Leonardo Di Caprio ka shpëtuar një 24-vjeçar, i cili në gjendje të dehur kishte rënë nga jahti i tij në afërsi të St.Martin në Karaibe .
Ngjarja ka ndodhur që në datë 30 Dhjetor, por vetëm gjatë këtyre ditëve është raportuar nga mediat e huaja.
Di Caprio ka qenë në një udhëtim me varkë së bashku me partneren dhe miqtë e tij, kur ka ndodhur ngjarja dhe pasi mësoi çfarë i kishte ndodhur të riut, vendosi të ndryshojë drejtimin e udhëtimit të tij.
“Leonardo, me miqtë e tij dhe kapitenin e varkës, vendosën të ndryshojnë drejtimin e rrugëtimit të pushimeve dhe filluan të kërkojnë për të riun me varkën e tyre, edhe pse ata ishin orë larg prej pikës ku u raportua humbja e tij,”-ka shkruar “People”.
Vetëm pas orësh të gjata kërkimesh u bë e mundur gjetja dhe shpëtimi i 24-vjeçar-it, të cilit iu dha ndihma e parë.
