Viti 2020 mendohet të jetë edhe viti kur Shqipëria do të synojë të hapë negociatat me Bashkimin Evropian.
Për këtë arsye, në muajin maj të këtij viti do të diskutohet zgjerimi i Bashkimit Evropian. Por, Komisioni Evropian do t’i paraprijë këtij takimi, pasi pritet të publikojë një mini-raport për Shqipërinë dhe Maqedoninë e Veriut.
Raporti vjen përpara prezantimit të metodologjisë së re të zgjerimit, metodologji e cila pritet të miratohet në muajin mars.
Kjo është në fakt edhe metodologjia që ka ndjekur presidentit francez Emanuele Macron duke kushtëzuar dhënien e dritës së gjelbër për Shqipërinë dhe Maqedoninë e Veriut gjatë samtit të Zagrebit.
Këtë gjë ai e ritheksoi edhe gjatë takimit të martën në Paris me kryeministrin kroat Andrej Plenkoviç.
Ndërkohë mësohet se komisioneri i BE-së për Zgjerimin Oliver Varheli do të vizitojë më 15 dhe 16 janar Maqedoninë e Veriut. Kjo do të jetë vizita e tij e parë pas marrjes së detyrës. Ndërsa nuk ka ende njoftim për vizitën e tij në Shqipëri./Fjala.al/
