Sapo kanë përfunduar pesë ndeshje të javës së 22-të të Premierë Ligës dhe duket se në të gjitha këto përballje nuk ka pasur mungesë golash.
Manchester United ka shkatërruar Norwich të vendit të fundit duke bërë poker golash e në të njëjtën kohë ka ruajtur të paprekur portën e vet.
Ishte Marcus Rashford ai i cili zhbllokoi rezultatin në minutën e 27 duke kaluar United në avantazh, për ta dyfishuar rezultatin për skuadrën dhe veten në minutën e shtatë të pjesës së dytë.
Ishte goli i Anthony Martial në minutën e 54-të ai i cili i dha akoma siguri për fitore United dhe pokeri i Mason Greenwood në minutën e 76-të që vulosi fitoren e madhe.
Ndeshja Everton-Brighton u mbyll me rezultatin 1-0 për mikpritësit, të cilët arritën që të shënonin të vetmin gol në minutën e 38-të me Richarlison, ndërsa kundërshtarët pavarësisht përpjekjeve nuk arritën që të shënonin në portën e rivalëve të tyre.
Chelsea shkatërroi Burnley FC me rezultatin 3-0 dhe në të njëjtën kohë rriti dhe pozicionin e vetë në renditjen e kampionatit më të madh të futbollit në shtetin anglez.
Jorghino arriti që të shënonte në minutën e 27-të të parin gol për Chelsean dhe atë që i dha avantazhin. Minuta e 38-të solli dyfishim të rezultatit nga Tammy Abraham dhe më pas Callum Hudson-Odoy shënoi golin e tretë për vendasit në minutën e 49-të, ose të katërtën e fraksionit të dytë.
Wolves dhe New Castel vendosën që ta mbyllnin javën e 22-të në paqe, pasi morën një rezultat 1-1. New Castel ishte ajo që zhbllokoi rezultatin që në minutën e 7-të të lojës me anë të Miguel Almiro. Nuk vonoi shumë dhe 7 minuta më pas Wolves me Leander Dedocker barazuan rezultatin. Kjo ndeshje vazhdoi me këto shifra deri në fund duke u mbyllur me shifra të barabarta.
Ndërkohë, Leicester City i vendit të dytë u mund këtë javë nga vendi iu 12 i cili mbahet nga skuadra e Southampton, të cilët shënuan dy herë në skuadrën pritëse.
Leicester ishin të parët që shënuan në minutën e 14-të të lojës me anë të Dennis Praet, por ky rezultat u barazua nga Stuart Armstrong vetëm pas 5 minutash dhe u përmbys nga Danny Ings në minutën e 81-të lojës, duke i dhënë kështu fitoren vendit të 12-të të Premierë Ligë./Fjala.al/Katerina Tafa/
