Sot territori i Shqipërisë është përfshirë nga reshje dhe mjegull e dendur. Një gjë e tillë ka vështirësuar trafikun nëpër akset rrugore.
Ndërkohë nga Rinasi vjen një tjetër sinjal: janë pezulluar përkohësisht fluturimet me avion.
Pikërisht mjegulla e dendur ka detyruar drejtuesit e aeroportit “Nënë Tereza” të urdhërojnë pezullimin e të gjithë fluturimeve që ishin programuar në këtë hark kohor.
Por moti i keq, me reshje shiu dhe mjegull të madhe ka shkaktuar edhe vonesa në ulje.
Autoritetet do të njoftojnë sërish se kur do të rinisin fluturimet./Fjala.al/
