Pas krimit të tmerrshëm në Gjebër të Mallkastrës, ku u vra 52-vjeçarja Drita Saliaj, familjarët e njërit prej të akuzuarve kërkojnë ta zgjidhin çështjen në një formë krejt ekstreme.
Babai i 26 vjeçarit Ervis Zotaj, i cili është njëri prej të akuzuarve të këtij krimi makabër kërkon dënim me vdekje për të birin e tij.
Ai thekson se pavarësisht nëse është apo jo, fajtor, i biri i tij duhet të marrë dënimin maksimal.
“Ta vrasin. Nuk ma merr mendja se evlati im ta ketë bërë, por nëse e ka bërë le ta çojnë në mes të Mallakastrës dhe ta vrasë i zoti i hallit dhe ta hedhë atje ku hodhën atë (Drita Saliaj)”, shprehet i ati për Top Channel.
Ndërkaq, i pyetur nëse ka frikë nga ndonjë hakmarrje, ai thotë se mund të ndodhë gjithçka dhe asnjëherë nuk i dihet, por kërcënime në drejtim të tij nuk ka pasur.
Krimi monstruoz: “Luisi e kishte nënë Dritën, s’do e përdhunonte kurrë”
Më herët, kunata e viktimës, Drita Saliajt, nëna e Luisit, djalit që akuzohet si një prej vrasësve brutal, ka folur në lidhje me pozicionin e të birit në këtë krim. Ajo ka kërkuar dënim maksimal për djalin por ka kërkuar të zbardhet e vërteta.
Sipas saj, Drita i ka mbajtur me bukë dhe se Luisi kurrë s`do e bënte një akt të tillë. Por, nëse ka bërë krim, ai duhet të vuajë dënimin maksimal.
“Luisi e kishte nënë Dritën dhe nuk e bënte kurrë këtë që ta përdhunonte. Është shumë fjalë e rëndë për Luisin kjo. Djali im, nëse ka bërë diçka, të vuajë dënimin. Për sa i përket përdhunimit, nuk besoj të këtë marrë pjesë, nuk jam dakord, sepse ajo e ka rritur djalin tim. Drita e ka rritur. E ka larë. I ka dhënë bukë. Po e vuaj shumë atë çka ka ndodhur. Drita ishte grua shumë e mire. Kemi shkuar shumë mire. Kam 20 vite në atë fshat dhe e kam njohur mirë. Djali im të vuajë dënimin e merituar. Drejtësia të veprojë dhe të nxjerrë në dritë të vërtetën”, ka thënë ajo./Fjala.al/
