Milan duket se është duke u rikthyer fuqishëm pas rezultateve shumë të dobëta të fazës së parë të kampionatit.
Pas fitores me skuadrën e Cagliarit, “Djalli” ka arritur të shkatërrojë me rezultatin 3-0 SPAL-in e Etrit Berishës, ndeshje kjo e vlefshme për Kupën e Italisë.
Ishte Pionte ai i cili në minutën e 20-të të lojës arriti që të zhbllokonte rezultatet duke kaluar kuqezinjtë në avantazh.
Pjesa e parë e lojës u mbyll me rezultatin 2-0 për t’u trefishuar më pas në fraksionin e dytë të ndeshjes. Kasijeho shënoi golin e dytë për Milan në minutën e 44-t, duke e dërguar topin në trekëndësh, falë gjuajtjes së kalibruar.
Ndërsa, në minutën e 66-të mbrojtësi Teo Hernandez mposhti Berishën, duke i dhënë fitoren “Djallit”. Kjo ndeshje risolli fuqishëm skuadrën e Milan dhe i shton akoma më shumë shpresat te kuqezinjtë./Fjala.al/
