Kryetari i Partisë Demokratike, Lulzim Basha theksoi sot se presioni ndërkombëtar për Reformën Zgjedhore ka qenë mbi mazhorancën, duke detyruar që Reforma Zgjedhore të bëhet vetëm me konsensus të opozitës, dhe jo brenda Parlamentit.
Kur Basha u pyet sot nga gazetarët, se tryeza ishte detyrim nga ndërkombëtarët? Kryedemokrati u shpreh se detyrimi i ndërkombëtarëve është keqkuptuar duke sqaruar se ishte ajo që uli mazhorancën dhe e nxori nga parlamenti sipas tij, ilegjitim.
“E keni keqkuptuar. Detyroi mazhorancën ta pranojë dhe ta nxjerrë nga Parlamenti ilegjitim, nga pseudo- parlamenti me Damian Gjiknurët, Imerët dhe ta ulë në tryzë jashtë parlamentit me opozitën dhe që Reforma Zgjedhore të hartohet dhe miratohet me konsensus të plotë me opozitën.
Pyetje për Edi Ramën pse donte ta ndiqte procesin me Damian Gjiknurin i cili duhet të ishte në burg. ”- deklaroi Basha para gazetarëve. /Fjala.al
