Nisur nga situata e rëndë e gripit në rajonin tonë, Instituti i Shëndetit Publik ka insistuar në dhënien e këshillave për qytetarët shqiptarë dhe udhëzimet sesi duhet të reagojnë nga gripit.
Në një njoftim në Facebook, ISHP ka theksuar sot se gripi nuk duhet trajtuar me antibiotikë. Pacientët që janë në gjendje të rëndë, të shtruar në spital me grip, mund të trajtohen me ilaçe antivirale specifike për gripin.
“Mos e trajto sëmundjen e gripit me antibiotikë. Sëmundja e gripit shkaktohet nga viruse dhe jo nga bakterie”, është thirrja e ISHP-së.
Gjithashtu ISHP ka përsëritur këshilla se të gjithë duhet të vaksinohen, për të mbrojtur veten dhe familjen.
