Kapiteni i Kombëtares së Kosovës Amir Rrahmani ka udhëtuar ditën e sotme në drejtim të qytetit të Romës ku do të kryejë vizitat mjekësore para firmosje së marrëveshjes me skuadrën e Napolit.
Kohët e fundit mediet italiane, por jo vetëm kanë folur për transferimin tij te skuadra italiane ku luan edhe mbrojtësi i Kombëtares shqiptare Elseid Hysaj.
Ky lajm u konfirmua edhe nga klubi nga San Paolo, pasi arriti tub fitonte në garën për të marrë shqiptarin.
Mëngjesin e sotëm, mbrojtësi i Kosovës ka mbërritur në Villa Stuart në Romë ku do të kryejë të gjitha testet mjekësore të nevojshme. Sipas marrëveshjes së bërë midis Napolit dhe klubit të Hellas Verona, Rrahmani do veshë fanellën e skuadrës së re në fillim të sezonit të ardhshëm pasi ai duhet të mbyllë këtë aktualin e klubin ku aktivizohet momentalisht.
Për blerjen e Amir Rrahmanit Napoli do të paguajë plot 14 mijë euro për një kontratë pesë vjeçare plus bonuse nga 1.5 deri në 1.8 milionë euro për sezon.
Rikujtojmë se interes për lojtarin e Kosovës shprehu edhe skuadra e Interit, por duket se Napoli ka qenë më i vendosur./Fjala.al/
? #Napoli, visite mediche in corso per #Rrahmani ⬇️https://t.co/kiynQhLIbQ
— Gianluca Di Marzio (@DiMarzio) January 17, 2020
