Michelle Obama dhe Barack Obama janë një ndër çiftet që frymëzojnë më shumë. Qëkur ishin çift presidencial e më pas, dyshja ka treguar vazhdimisht se janë mbështetësit më të mëdhenj të njëri-tjetrit.
Sot, Barack Obama postoi një dedikim dashurie për Michelle me rastin e ditëlindjes:
“Në çdo skenë je ylli im. Gëzuar ditëlindjen e dashur”, shkruan Barack.
Michelle LaVaughn Robinson Obama u lind me 17 janar 1964 në Chicago, Illinois. Mbaroi studimet në Universitetin Princeton dhe më pas në Harvard. Është avokate amerikane dhe bashkëshortja e Presidentit të 44 Sh.B.A-ve. Ajo ishte zonja e parë e Shtetit Amerikan që i përkiste komunitetit afro-amerikan.
