Natyrisht, që Greta Thunberg është një nga femrat më me influencë në planet. Ajo ka një audiencë shumë të madhe në rrjetet sociale dhe sipas pretendimeve ajo i shkruan vetë postimet e saj. Si pasojë e një gabimi të sigurisë së faqes në Facebook të saj ku ndiqet nga 2.7 mln persona është zbuluar se Greta nuk i shkruan vetë postimet e saj.
Si pasojë e kësaj krisje të sigurisë është bërë e mundur të shihet historiku i ndryshimeve të postimeve të Greta Thunberg. Në të vërtetë ato janë shkruar nga babai i saj dhe një aktivist indian i cili punon në sekretarinë e klimës së KB me emrin Adarsh Prathap.
Por aktivistja ka dhënë një shpjegim për këtë zbulum. Greta shpjegon se është ajo që i ka shkruar statuset e saj por ai që ka hapur faqen e saj në Facebook është një djalë indian i cili e ka pranuar më vonë që Greta të jetë bashkë moderatore në faqe.
“Disa njerëz kanë pyetur se kush e menaxhon këtë faqe. Para së gjithash, që nga pranvera e kaluar unë përdor Facebook-un vetëm për të rihedhur ato që shkruaj në llogaritë e mia në Twitter dhe Instagram.
Meqenëse kam zgjedhur të mos jem personalisht në Facebook, unë përdor llogarinë e babait tim Svantes për të rihedhur përmbajtjen, pasi duhet një llogari për të moderuar një faqe në Facebook. Statuset e tjera që janë ndarë në Facebook janë bërë nga djali që themeloi faqen në Facebook Greta Thunberg shumë kohë përpara se ta dija se ekzistonte. Emri i tij është Adarsh Prathap dhe ai jeton në Indi. Meqenëse shumë njerëz menduan se ishte faqja ime zyrtare, unë e pyeta nëse mund të bashkë-menaxhonim atë dhe ai tha po.
Të gjitha tekstet e postuar në faqen time në Facebook sigurisht që janë shkruar nga unë, ashtu si gjithçka tjetër.”, -shkruan ajo./Fjala.al
