Një sherr për motive pronësie ka përfunduar në përdorimin e armës. Një person ka qëlluar me pistoletë manovër në drejtim të kushëririt të tij.
Sipas policisë ngjarja ka ndodhur paraditen e sotme, kur në vendin e quajtur “Valias” në Kashar, janë konfliktuar të dy kushërinjtë.
Gjatë konfliktit shtetasi me inicialet E. B., ka qëlluar me pistoletë manovër në drejtim të kushëririt të tij shtetasit Z. B.
Shërbimet e policisë, të Komisariatit nr 6 kanë shkuar menjëherë në vendngjarje, pas denoncimit të shtetasit Z.B.
Si rezultat i veprimeve të shpejta kanë arritur të kapin dhe të shoqërojnë në Komisariat për veprime të mëtejshme hetimore shtetasin E. B.
Në cilësinë e provës materiale u sekuestrua arma pistoletë manovër, me të cilën shtetasi E. B., ka kryer qitjen. Grupi hetimor vijon punën për sqarimin e mëtejshëm të rrethanave të ngjarjes.
