Aktori i njohur Petrit Malaj ka mbetur në mendjen e shqiptarëve me rolet e tij. Të gjithë e kujtojnë me admirim personazhin e “doktor Bardhylit”, tek filmi “Kur hapen dyert e jetët”. Për këtë rol dhe shumë të tjerë në kinematografi dhe teatër, Malaj është vlerësuar me titullin e lartë “Mjeshtër i Madh”.
Lajmi është bërë publik nga presidenti Ilir Meta i cili thotë se Malaj është një personalitet i filmit dhe teatrit shqiptar, që me talentin e spikatur dhe profesionalizmin në realizimin e shumë roleve artistike ka fituar dashurinë dhe respektin e të gjithëve.
“I uroj z.Malaj suksese të mëtejshme në karrierën e tij artistike, i bindur se ai dhe brezi i artistëve të cilit i përket, janë shembull për të rinjtë shqiptarë që aspirojnë ekranin dhe skenat shqiptare e ndërkombëtare”, shkruan Meta në Facebook. /Fjala.al
