Të lësh dritaren e makinës hapur në Shqipëri do të thotë që të mos gjesh më gjurmë të saj por një grua në provincën kanadeze Newfoundland është përballur me një tjetër të papritur. Ajo ka harruar dritaren e veturës hapur gjatë natës megjithatë kur u zgjua e gjithë vetura ishte mbushur me borë.
Bora nuk e ka patur aspak të vështirë që të mbushë makinën pasi trashësia e saj atë natë ka arritur 80 centimetra.
Gruaja ka postuar një video ku duket se është e habitur nga fakti që nuk ka borë afër makinës pasi ishte futur e gjitha brenda saj.
“Gjatë natës kur e parkova vetura e kam harruar dritaren e hapur. Por, u habita kur pashë që pranë veturës nuk kishte borë – në fakt ajo ishte futur brenda mjetit tim”, -dëgjohet ajo duke bërtitur./Fjala.al
