Skuadra e Vllaznisë do të presë ditën e nesërme ekipin e Flamurtarit në stadiumin Loro Boriçi, ku do të luajnë ndeshjen e vlefshme për javën e 18-të të Superligës.
Takimi do të zhvillohet në orën 14:00 dhe të dyja skuadrat do luftojnë për fitore pasi të dyja kanë rrezik rrëzimin nga kategoria ndonëse Vllaznia është më e mbrojtur pasi renditet e shtata.
Ndërsa, për vlonjatët kjo ndeshje është një provë e rëndësishme për të treguar se largimet dhe afrimet e merkatos së dimrit mund ta shpëtojnë nga rrëzimi nga elita e futbollit.
Ndërkohë që jemi vetëm një ditë nga startimi i fazës tjetër të sezonit 2019-2020, skuadra e Vllaznisë ka publikuar se ku mund të blihen biletat dhe sa kushtojnë.
Njoftimi i Vllaznisë:
KF Vllaznia bën të ditur se duke nisur nga sot në ora 10.00 do të fillojë shitja e biletave për ndeshjen e kampionatit, atë me Flamurtarin që luhet të martën në orën 14.00 në stadiumin “Loro Boriçi”. Oraret e hapjes së sporteleve janë si më poshtë:
E hënë 10:00- 14:00
16.30- 19.00
E martë 10:00 deri në përfundimin e ndeshjes
Ju bëjmë me dije se çmimet e biletave për këtë ndeshje janë si më poshtë:
Tribunat C dhe E 200 lekë
Tribuna D 300 lekë
Tribuna A- B 500 lekë
Tribuna VIP 1000 lekë
KF Vllaznia fton gjithë tifozët e saj të jenë të pranishëm në këtë ndeshje për të mbështetur skuadrën tonë në këtë ndeshje të parë të këtij viti, duke shpresuar që të bëjmë edhe një start të mbarë me fitore./Fjala.al/
