Një burrë 89-vjeçar është bërë personi i katërt i cili është viktimë e virusit të ri që është përhapur në të gjithë Kinën. Burri i moshuar vdiq pasi kishte të vështirë të merrte frymë. Ai ishte nga Wuhan, qyteti në qendër të vendit ku filloi epidemia që infektoi më shumë se 200 njerëz.
Më shumë se një muaj pas shfaqjes së këtij virusi në një treg me prodhime deti në Wuhan, është përhapur edhe në disa qytete të mëdha në vend përfshirë Shanghain dhe tre vende të tjera në Azi: Japoni, Korejenë e Jugut dhe Tajlandë.
Ky virus është i familjes SARS i cili është sindromi i rëndë akut i frymëmarrjes.
Në Australi, një burrë, i cili kthehej nga Kina me simptoma të virusit është izoluar pasi dyshohet të jetë rasti i parë i dyshuar me këtë koronavirus në vend. Autoritetet shëndetësore janë në pritje të rezultateve të testeve për të përcaktuar nëse ai është kontraktuar ose jo me këtë virus të ri.
Virusi po shkakton shqetësim në rritje në Kinë dhe vendet përreth, ndërsa jo më larg se dje një shkencëtar ka pohuar në një televizion shtetëror në Kinë se, transmetimi nga njeriu te njeriu është i provuar./Fjala.al
