Një tjetër kryebashkiak është kapur me presh në duar. Kryetari i bashkisë së Bulqizës, Lefter Alla është fotografuar teksa konsumon drogë në një ambient publik.
Disa foto dhe një video e shkurtër janë bërë publike në emisionin e Enkel Demit “Abc-ja e Mëngjesit”, ku mësohet se është kryebashkiaku i Bulqizës, Lefter Alla duke konsumuar drogë.
Në nëntor 2019, djali i Lefter Allës u arrestua nga ana e policisë në Tiranë me një sasi droge në makinën e tij, por ngjarja u mbajt e fshehtë dhe ai u lirua.
Përdorimi i lëndëve narkotike nuk përbën vepër penale dhe nuk e pengon kryebashkiakun në mbajtjen e postit, por lëndët narkotike janë substanca psikotrope, e si të tilla, ato kanë ndikim mbi Sistemin Nervor Qendror.
Për më tepër, në rastin konkret, duket se vendi ku po konsumohet lënda narkotike është një ambient publik, çka e rëndon edhe më tej situatën e kryebashkiakut.
