Aksidenti tragjik në Pishkash të Përrenjasit ku humbi jetën Ardian Vreto, vëllai i kreut të PD-së në Librazhd, Bujar Vreto, dhe mbetën të plagosur tre persona të tjerë, na sjell dhe një panoramë tjetër skandali.
ABC News raporton se viktima ka qenë gjallë kur është dërguar në spitalin e Përrenjasit, ndërsa aty nuk kishte energji elektrike në çastin kur kanë shkuar të aksidentuarit.
Për këtë arsye të katër të aksidentuarit janë hipur sërish në autoambulancë për t’u nisur sërish në spital, por kësaj radhe në Librazhd.
Policia konfirmoi se Ardian Vreto ndërroi më pas jetë në spitalin e Librazhdit pas një sorollatjeje më shumë se 40 minuta nga spitali në spital.
Makina e Vretos u përplas me një familje që po shkonte për në jug-lindje të vendit me qëllim kalimin e fundjavës atje, kurse viktima po kthehej në shtëpi pas punës. Aktualisht gjendja e të lënduarve është stabël.
