Ditën e sotme në Spanjë është hedhur shorti i Kupës së Mbretit për raundin e 1/16, ku ajo që bie në sy është fati i dy skuadrave më të fuqishme Real Madritit dhe Barcelonës.
Dy skuadrat në fjalë janë favorite për të marrë këtë trofe dhe për të kaluar me sukses fazën e radhës së kompeticionit të dytë më të rëndësishëm në vendin e tyre.
Bardhezinjtë e Zidanes do të jenë përballë skuadrës së Real Zaragoza-s, ndërsa skuadra e trajnerit Setien do të vihen përballë ekipit të Leganes-it,i cili qëndron në vendin e parafundit të La Ligës.
Ndërsa në këtë edicion ka dhe skuadra surprizë siç është rasti i Kultural Leonesa-s, të cilët arritën të eliminonin klubin e Atletico Madrid dhe në raundin e radhës do kenë përballë skuadrën e Valencias.
Takimet e këtij raundi zhvillohen me vetëm një ndeshje dhe do të luhen të gjitha në datat 28-30 janar. Siç edhe pritej në këtë fazë të Kupës së Mbretit do të aplikohet VAR-i.
Çiftet e shortit të raundit 1/16 të Kupës së Mbretit në Spanjë:
Badajoz-Granada
Kultural Leonesa- Valencia
Tenerife-Athletik Bilbao
Real Zaragoza-Real Madrid
Mirandes-Sevija
Rajo Vajekano-Vijareal
Barcelona- Leganes
Real Sociedad-Osasuna/Fjala.al/
