Takimi midis Tiranës dhe Luftëtarit ka nisur pak ndryshe këtë herë. Të dyja skuadrat kanë dalë në fushë me një banderolë të madhe ku shkruhet “Pray for Turkey”, që në shqip do të thotë “Lutuni për Turqinë”.
Kjo ngjarje ka ardhur pas tërmetit shkatërrimtar me magnitudë 6.5 të 24 janarit të këtij viti që goditi Turqinë dhe nga ku humbën jetën 35 persona, si dhe janë lënduar me dhjetëra të tjerë.
Tërmeti i së premtes në mbrëmje rezultoi të kishte dëme të shumta edhe nga ana materiale, ku u shkatërruan me mijëra banesa.
Ndërkohë, duket se shqiptarët nuk e kanë harruar ndihmën e Turqisë pas tërmetit të 26 nëntorit të vitit që shkoi për vendin tonë dhe këtë e kanë treguar edhe në fushim e futbollit.
Momentalisht në stadiumin Selman Stërmasi është duke u luajtur ndeshja midis Tiranës dhe Luftëtarit, takim ky i vlefshëm për javën e 19-të të Kategorisë Superiore./Fjala.al/Katerina Tafa/
