Në një intervistë për NPR, këngëtarja u etiketua si “viktima” e marrëdhënies.
Selena Gomez rrëfeu se Justin Bieber abuzonte emocionalisht me të gjatë kohës që ishin bashkë.
“Mendoj se isha viktima, se po abuzohesha në njëfarë mënyre,” tha Selena. Kur u pyet në bëhet fjalë për abuzim emocional, ajo e konfirmoi.
“Po. Tani që jam rritur e kuptoj,” shtoi ajo.
“Nuk dua të kaloj gjithë jetën duke folur për këtë temë. Dua thjesht të them që s’kam qenë kurrë kaq e fortë sa jam tani dhe kam gjetur mënyrën për ta hedhur pas krahëve me sa më shumë hijeshi.”
Selena foli për lidhjen me Justin pasi konfirmoi se kënga “Lose You To Love Me” është dedikim për të.
“Jam shumë krenare për këngën,” shpjegoi ajo. “Nuk e mbyllëm si duhej marrëdhënien dhe e kisha pranuar këtë fakt. Doja të shprehja disa gjëra që s’kisha pasur mundësinë t’ia thoja.”
Shtatorin e vjetshëm, Justin foli haptazi për mënyrën e padrejtë si është sjellë me gratë në të kaluarën.
“Nisa të drogohesha kur isha 19 vjeç dhe isha abuziv me të gjithë,” shkruan ai. “Isha i hidhur, i pasjellshëm dhe i nevrikosur me gratë e jetës sime. Iu largova njerëzve që më donin, fshihesha pas njeriut bosh që isha bërë.”
