Ambasadorja e re e SHBA-së në Tiranë, Yuri Kim ishte sot në Presidencë ku i dorëzoi letrat kredenciale Presidentit të Republikës.
Dorëzimi i letrave kredenciale te presidenti Meta konfirmon edhe nisjen zyrtare të punës nga ambasadorja Kim.
“I kënaqur të prisja dhe të pranoja Letrat Kredenciale të Ambasadores së re të SHBA, znj.Yuri Kim. SHBA një partner strategjik, i pazëvendësueshëm për Shqipërinë. Së bashku të përballojmë me sukses sfidat që ka vendi. Zoti e bekoftë miqësinë shqiptaro-amerikane”, shprehet Meta.
Rreth orës 11:45, ambasadorja Kim do të mbajë edhe fjalimin prezantues në Ambasadën e SHBA-së.
