Ai vazhdon të këmbëngulë në pafajësinë e vet e për pasojë vijon t`i kërkojë gjykatës dëshmitarë për të vërtetuar këtë fakt. I mbajtur në burg për vrasjen e Devi Kasmit, ish-peciali grek, Efthimious Efthimiou ka kërkuar një tjetër grek që të dëshmojë në gjykatë.
Kështu është Gjykata e Posaçme kundër Krimit dhe Korrupsioni ka thirrur si dëshmitar për vrasjen e Devi Kasmit në 2018, taksistin grek Apostol Mildis. Ky person kërkohet nga Efthimious Efthimiou për të dëshmuar pasi pretendon se i ka treguar qëllimin se pse kishte ardhur në Shqipëri. Pikërisht speciali grek akuzohet nga Prokuroria për vrasjen e Devi Kasmit më 29 janar të vitit 2018.
Deri tani të akuzuar nga Prokuroria janë Efthimios Efthimio si ekzekutor, Elton Halipaj, Malvin Dinellari, Aurel Hoxhallarin në kërkim i cili dyshohet të jetë dhe kreu i grupit kriminal.
Edhe pse për atë vrasje u tha së ishin angazhuar dy persona, vrasje që ndodhi në sy të kamerave dhe të disa dëshmitarëve, policia dhe as prokuroria kurrë nuk gjetën një emër tjetër për ta vënë në pranga si vrasës, përveç grekut.
Ai gjithnjë e ka mohuar të ketë qenë në atë vrasje madje ka hedhur edhe akuza të forta ndaj shtetit shqiptar, por policia e dyshoi për shkak të pamjes në kamera dhe për shkak të faktit që ishte i dyshuar si vrasës me pagesë për llogari të një bande trafiku ndërkombëtar marijuane. n.k/Fjala.al/
