Bota po përballet aktualisht me përhapjen e një virusi tejet të rrezikshëm siç është koronavirusi. Mirëpo, së fundmi është raportuar përhapja e një tjetër virusi të rrezikshëm, siç është dhe virusi H1N1, ose siç njihet ndryshe gripi i derrave .
Virusi H1N1 i ka marrë jetën së fundmi 8 personave në Rumani. Lajmin e ka dhënë Qëndra Kombëtare e Mbikëqyerjes Kontrollit të Sëmundjeve të Bartshme në Institutin Kombëtar të Shëndetit Publik në Rumani.
Dy viktimat e fundit të gripit ishin një grua 65-vjeçare dhe një burrë 46-vjeçar.
Gripi H1N1 , i njohur si gripi i derrave, është i përbërë nga pjesëza të vogla, të cilat mund të përhapen nëpërmjet sekrecioneve të hundës dhe të gojës kur kolliteni ose tështini.
Objektet që janë më shumë të ekspozuara janë doreza e derës, tastiera e kompjuterit, telefonat dhe vendet ku mbahen njerëzit në autobus, nëse njerëzit e tjerë i prekin këto dhe më pas prekin fytyrën e tyre atëherë këto pjesëza mund të hyjnë në sistemin e tyre të frymëmarrjes dhe kështu mund të infektohen.
Simptomat që ky grip na jep janë: temperaturë, kollë, frymëmarrje e shpeshtë dhe e rënduar, dhimbje koke, dhimbje fyti, të dridhura, sekrecione nga hundët, tështima, ulje e oreksit, lodhje, dhimbje muskulare.
Maskat nuk mund të na mbrojnë nga ky virus. Mënyra më e mirë për të mbrojtur veten është higjiena personale, kjo ndihmon në ngadalësimin e përhapjes së virusit dhe mund të jetë mjeti më efektiv që mund t’ju mbrojë ju dhe të tjerët nga infeksioni. Kur kolliteni apo tështini kujtoni rregullat e higjenës. Gjithmonë mbani shami më vete. Përdorni shami të pastra për të mbuluar hundën dhe gojën dhe hidhini ato poshtë pas një përdorimi.
