Një pacient i diagnostikuar më koronavirus pasi mori mjekimin në spitalin e provincës Jiangxi në lindje të Kinës raportohet se është larguar në gjendje të mirë shëndetësore, duke shënuar kështu pacientin e parë që e kalon virusin.
Sipas mediave kineze bëhet fjalë për një 38-vjeçar nga qarku Xiangan i cili kishte transportuar një mikun e tij në qytetin Honghu më 3 janar dhe u kthye përsëri. Shumë shpejt ai filloi të kishte ethe, kollë dhe shtrëngim në gjoks. Më 23 janar ai u diagnostikua me koronavirus dhe u mbajt në karantinë të spitalit për mjekim.
Bëhet me dije se pacienti ishte në gjendje kritike kur u transportua në spital, por gjendja e tij u përmirësua ndjeshëm pas trajtimeve.
Numri i viktimave nga koronavirusi ka shkuar në 132 ndërsa në të gjithë Kinën janë konfirmuar 4500 persona të infektuar ku 125 janë në gjendje shumë të rendë shëndetësore./Fjala.al
