Sizmilogu Shyqyri Aliaj thotë se që pas tërmetit të 26 nëntorit në vendin tonë janë regjistruar rreth 3 mijë pasgoditje. Në studion e emisionit “Arena” Sizmilogu tha se tërmeti i djeshëm 4.9 është në vazhdën e tërmetit të 26 nëntorit të vitit të kaluar.
“Instituti i gjeoshkencave ka numëruar 3 mijë pas goditje të këtij tërmeti, por pas goditje të fuqishme me magnitudë mbi 5 janë vetëm 4.
Janë tre ditën e parë në 26 dhe një në datën 27. Ka pasgoditje me magnitudë 4-4.9 që janë 28 pasgoditje.
Nga të cilat tre ditët e para janë 18 pasgoditje. Pastaj 8 pasgoditje janë nga 12 dhjetori dhe vetëm ditën e djeshme ka pasur pasgoditje.
Energjia është në rënie. Me magnitudë mbi 4 nuk ka pasur ka një muaj e ca. Tërmete me magnitudë mbi 3 janë mbi 150 pasgoditje. Ndërsa ata 2-3 janë 2 mijë e ca që nuk ndihen nga njerëzit”, tha Shyqyri Aliaj.
Sizmilogu tha se tërmetet në Karaibe edhe Turqi nuk kanë lidhje me Shqipërinë.
