Ndërkohë që coronavirus vazhdon të përhapet me shpejtësi njerëzit e frikësuar për shkak të izolimit kanë boshatisur supermarketet në mënyrë që të plotësojnë kërkesën për rezerva ushqimore.
Dyqanet Walmart në Kinë janë me rafte të zbrazëta pa prodhime bujqësore, qumështi dhe mishi në qytetet Wuhan dhe Zhuhai ndëkohë që gjërat po bëhen dëshpëruese. Shumica e restoranteve dhe pikave të pakicës janë mbyllur për të parandaluar përhapjen e virusit ndërsa ekspertë të shëndetësisë po ndjekin nga afër dhe monitorojnë situatën.
Boshatisja e supermarketeve ka ardhur edhe si pasojë e bllokimeve të transportit për shkak të frikës të mospërhapjes së virusit.
Numri i viktimave nga virusi në Kinë ka shkuar në 170, ndërsa numri i rasteve të konfirmuara u rrit në 7711 ditën e enjte.
Organizata Botërore e Shëndetit (OBSH), e cila fillimisht refuzoi të shpallte një emergjencë globale shëndetësore për shkak të shpërthimit, tani ka paralajmëruar të gjitha qeveritë që të jenë “në gatishmëri” mbi virusin dhe do të takohen përsëri sot për të vendosur nëse do të shpallin një emergjencë./Fjala.al
