Një nga vendet kryesore të BE-së, e cila vendosi veto ndaj Shqipërisë dhe Maqedonisë së Veriut për moshapjen e negociatave, do të zhvillojë dy takime shumë të rëndësishme për procesin e zgjerimit.
Edhe pse e lënë në hije nga procesi i Berlinit, Franca është duke zhvilluar planin e saj paralel me atë të Gjermanisë. Në qendër të këtyre lëvizjeve janë dy takime që Ministri i Jashtëm i Francës, Jean-Yves Le Drian dhe Ministrja e Shtetit për Çështjet Europiane, do të zhvillojnë sot edhe nesër.
Ministri për Europën dhe Punët e Jashtme të Francës, do të jetë bashkë-kryesues, nesër në Berlin, së bashku me homologun e tij gjerman, Heiko Maas, në takimin e dytë të nivelit të lartë me iniciativën franceze-gjermane për luftën kundër trafikimit të paligjshëm të armëve të zjarrit në Ballkanin Perëndimor.
Kjo nismë franko-gjermane, e propozuar nga Presidenti Macron në samitin në Trieste më 21 korrik 2017, mbledh së bashku vendet e Ballkanit Perëndimor, 21 vende donatore, si dhe një duzinë organizatash dhe agjenci ndërkombëtare dhe rajonale.
Ai ka për qëllim forcimin e kontrollit të armëve të zjarrit në këtë rajon dhe luftimin e trafikimit të paligjshëm – sfidat kryesore të përbashkëta të sigurisë për europianët – ndërsa këto armë ka të ngjarë të furnizohen për grupe kriminale dhe terroriste.
