Policia e Shtetit ka bërë publike foton e Gjovalin Lesit, i cili është dënuar me burg të përjetshëm për një vrasje makabër që ka kryer në vitin 1997. Ai është sot një nga personat më të kërkuar nga policia shqiptare.
Në datën 21 tetor 1997, në fshatin Rrasfik, të Mirditës, Lesi ka vrarë me armë zjarri motrën e tij, shtetasen me iniciale M. Gj., dhe burrin e saj, shtetasin me iniciale A. Gj.
Ai është dënuar me burgim të përjetshëm nga Gjykata e Rrethit Gjyqësor Mirditë, për veprat penale “Vrasja me paramendim” dhe Armëmbajtja pa leje”.
Pavarësisht se ngjarja ka ndodhur që në vitin 1997, Gjovalin Lesi vijon të jetë ende në kërkim nga Policia e Shtetit.
