Dy shqiptarë, ku një prej tyre ishte inspektore e Policisë Shqiptare, janë arrestuar nga karabinierët italianë, pasi në mjetin e tyre është gjendur një sasi e konsiderueshme kokaine.
Ata u ndaluan në komunën e Garbagnate, në afërsi të Milanos, ndërsa ishin duke transportuar drogën me një makinë tip ‘Renault Clio Sw’. Bëhet fjalë për një 29 vjeçar dhe një grua me iniciale F.Z po 29 vjeç, e cila është me profesion inspektore e Policisë Shqiptare.
Dy të arrestuarit dolën përpara Gjykatës në Milano, e cila mori vendimin që burri të lihet me arrest shtëpie ndërsa inspektorja e policisë t’i nënshtrohet detyrimit për paraqitje në Policinë Gjyqësore.
Karabinierët po bënin një kontroll rutinë të dokumenteve ndërkohë që u hasen me një qëndrim jo normal të shqiptarëve, çfarë i detyroi që të bënin një kontroll të imtësishëm ku dhe zbuluan kokainën e fshehur, 38 gram e ndarë në 76 doza të mbështjella me letër alumini./Fjala.al
