Drejtoria e Përgjithshme e Tatimeve ka publikuar kalendarin që duhet të respektojnë bizneset pagesat e detyrimeve. Kështu gjatë muajit shkurt, tatimpaguesit duhet të përmbushin detyrimet e deklarimit në afat të disa lloje taksash. Data 10 shkurt është afati i fundit për dorëzimin e deklaratës vjetore të tatimit të thjeshtuar mbi fitimin për vitin 2019. Sipas tatimeve kjo datë është afati i fundit i deklarimit në mënyrë elektronike të librave të shitjes dhe blerjes për muajin janar të këtij viti. Ndërkohë me 14 shkurt është afati i fundit i deklarimit elektronik dhe i pagesës së TVSH-së për janarin. 17 shkurti është afati i fundit i deklarimit dhe i pagesës së taksave për muajin janar, i deklarimit dhe pagesës së rentës minerare, si dhe i kësteve të tatimfitimit.
Kalendari tatimor
10 shkurt 2020
Afati i fundit i dorëzimit në mënyrë elektronike të deklaratës vjetore të Tatimit të Thjeshtuar mbi Fitimin për periudhën tatimore të lidhur me vitin kalendarik 2019.
10 shkurt 2020
Afati i fundit i dorëzimit në mënyrë elektronike të librave të shitjes dhe blerjes për periudhën Janar 2020.
14 shkurt 2020
Afati i fundit i deklarimit elektronik dhe i pagesës së TVSH-së për periudhën Janar 2020.
17 shkurt 2020
Afati i fundit i deklarimit dhe pagesës së taksave kombëtare për periudhën Janar 2020.
17 shkurt 2020
Afati i fundit i deklarimit dhe pagesës së rentës minerare të muajit Janar 2020.
17 shkurt 2020
Këstet e tatimit mbi fitimin, mund të paguhen edhe në baza mujore, jo me vonë se data 15 e çdo muaji, por afati i fundit i parapagimit të këstit tremujor të tatimit mbi fitimin, për muajt Janar, Shkurt , Mars është data 30 Mars 2020.
20 shkurt 2020
Afati i fundit i deklarimit dhe pagesës së Tatimit në Burim për periudhën Janar 2020.
20 shkurt 2020
Afati i fundit i deklarimit të listëpagesës dhe pagesës së Kontributeve të Sigurimeve Shoqërore, Shëndetësore dhe Tatimit mbi të Ardhurat nga Punësimi për periudhën Janar 2020.
