Të pathënat e kryeministrit/ Kurti, i arrestuar nga serbët e shqiptarët

113 563 lexime

106,048FansaPëlqeje

Albin Kurti tanimë është kryeministri i ri i Republikës së Kosovës.

Ai  u lind në Prishtinë më 24 mars 1975.

Ka qenë një nxënës me rezultate shumë të mira. “Ishte i pari në regjistër me pikët maksimale nga shkolla e mesme deri tek provimi pranues në Fakultetin Teknik. Numri maksimal i pikëve ishte 300 dhe Albini i kishte marrë të gjitha”, ka thënë profesor i tij Salem Lepaja.

Në gusht 1997, Albin Kurti iu bashkua kryesisë së Unionit të Pavarur të Studentëve të Universitetit të Prishtinës, i cili organizoi protesta paqësore, jo të dhunshme për lirimin e ndërtesave dhe ambienteve të universitetit, të cilat u pushtuan nga autoritetet e regjimit serb.

Në gusht 1998, kur filloi lufta në Kosovë, Kurti filloi të punojë si Sekretar i Zyrës së Përfaqësuesit të Përgjithshëm Politik të Ushtrisë Çlirimtare të Kosovës (UÇK), Adem Demaçi.

Kur filluan bombardimet e NATO-s në Serbi dhe Kosovë në mars të vitit 1999, Kurti qëndroi në Prishtinë, dhe, u arrestua nga policia serbe më 27 prill 1999.

Më 10 qershor 1999, kur forcat serbe u tërhoqën nga Kosova, Kurti dhe mbi dy mijë shqiptarë të tjerë u transferuan në burgjet serbe.

Për shkak të presionit ndërkombëtar, Kurti u lirua më 7 dhjetor 2001.

Më 23 prill 2003, Albin Kurti diplomohet në Fakultetin e Elektroteknikës në Universitetin e Prishtinës, drejtimi i Telekomunikacionit me Kompjuterikë.

Në qershor 2005, Albin Kurti me aktivistë të tjerë politik e bashkë-themeluan një iniciativë qytetare të quajtur Lëvizja Vetëvendosje.

Albin Kurti është arrestuar dhe nga policia e Kosovës në vitin 2015 për shkak të hedhjes së gazit lotsjellës në një nga seancat Kuvendit të Kosovës.

Ai ka botuar me qindra artikuj, dhe është ftuar të prezantojë në universitete të ndryshme të njohura brenda dhe jashtë vendit.

Lexo edhe :  Covid-19/ 14 ditë vaksinim masiv, marrin dozën 260 mijë qytetarë

Kurti gjithashtu ka shërbyer si Kryetar i Komisionit për Punë të Jashtme në Kuvendin e Republikës së Kosovës në vitet 2011-2014.

Bashkëshortja e Albin Kurtit është me Norvegjeze. Ata janë njohur në Prishtinë. Ajo ka qenë gazetare dhe ka shkruar artikuj për një gazetë në Norvegji.

Në vitin 2014 çifti është bërë me një vajzë.

Albin Kurti është shprehur se vajzës së tij i flet shqip por ajo njeh shumë mirë dhe gjuhën norvegjeze.

Albin Kurti flet rrjedhshëm gjuhën shqipe, angleze dhe serbo-kroate.

 

 

Të fundit

Ngjarja në Mamurras/ Sherri ndodhi pasi policët tentuan të kontrollojnë një lokal

Shërbimi për Çështjet e Brendshme dhe Ankesat ka dhënë detaje për ngjarjen e ndodhur një ditë më parë në...

Bllokimi i kanalit të Suezit, Egjipti kërkon dëmshpërblimin marramendës

Egjipti po kërkon 900 milionë dollarë dëmshpërblim pas bllokimit të Kanalit të Suezit në fund të muajit mars dhe anija kontejner që e shkaktoi...

Plagosi 2 kolegët dhe një qytetar, arrestohet oficeri i patrullës në Mamurras

Vihet në pranga autori i plagosjes së dy efektivëve të policisë një ditë më parë në Mamurras. Sipas ‘abcnews’, policia ka arrestuar David Madani...

14 prill 1865/ Komploti, si u vra Presidenti Linkoln

Në 14 prill të vitit 1865, Presidenti amerikan Abraham Linkoln qëllohet me plumb në Teatrin Ford në Uashington, DC. Presidenti i 16-të i Shteteve...

Premtimet për investime të mëdha dhe monitorimi i pakët i tyre nga publiku

Nga Eduard Gjokutaj   Në fushatën e vitit 2009, vlera e premtimeve për infrastrukturën nga drejtuesi i PD-së llogaritet në 25 miliardë lekë/vit, ndërsa drejtuesi i...

Lajme të tjera

Web TV