Verën e kaluar, skuadra e Juventusit zhvilloi një miqësore me më të mirët e kampionatit të Koresë së Jugut.
Ky takim solli shumë dashamirës të sportit e mbi të gjitha tifozë të yllit të “Zonjës së Vjetër”, Cristiano Ronaldos në një stadium që u mbush në kapacitetin e tij maksimal.
Arsyeja pse shumë tifozë shkuan për të ndjekur nga afër atë ndeshje ishte pikërisht portugezi, por ajo që nuk shkoi sipas planit ishte se Cristiano nuk mundi të luante për shkak të disa problemeve muskulore.
Dy nga tifozët, të cilët shkuan në stadium vetëm për të parë nga afër Ronaldon hodhën në gjyq kompaninë e biletave dhe vetëm dy muaj pas padisë ata e kanë fituar gjyqin dhe kanë marrë një dëmshpërblim prej 282 eurosh./Fjala.al/
