Një nga emrat më të mëdhenj e të lakmuar të momentit në futboll, Paul Pogba duket se kurrë nuk gjeti vendin që meritonte te skuadra e Manchester United.
Francezi duket se e ka vendosur përfundimisht largimin e tij nga klubi anglez dhe këtë gjë ia ka thënë edhe shokëve të skuadrës.
Mediet britanike raportojnë se mesfushori është mërzitur në “Old Trafford” dhe se do të kërkojë largimin me çdo kusht gjatë verës.
Ai ka pësuar shumë lëndime në kohët e fundit, gjë që e ka penguar të tregojë rëndësinë e tij brenda kësaj skuadre. Tani ka ngelur vetëm që agjenti i tij, Mino Raiola të bisedojë me klubin e Manchester United dhe të gjejë një zgjidhje.
Real Madridi dhe Juventusi janë dy nga pretendentët kryesorë të cilët kërkojnë ta kenë francezin në radhët e tyre,që prej kohës kur ai ishte te skuadra e Torinos.
Manchester United kërkon plot 150 milionë euro për kartonin e mesfushorit, ndërsa klubet që kërkojnë ta marrin atë nuk ofrojnë më shumë se 100 milionë euro./Fjala.al/
