Biblioteka Clementium është shpallur biblioteka më e bukur në botë nga vizitorët, në sitin ‘Bored Panda’.
Themeluar në vitin 1232, Clementium në Pragë është më i madhi dhe një nga ndërtesat më të rëndësishme në ‘Qytetin e Vjetër’. Ajo zë më shumë se dy hektarë sipërfaqe dhe ndodhet në afërsi të urës së Charles.
Clementium krenohet me një evolucion të pasur arkitekturor dhe përveç kësaj që prej Mesjetës, shumë astronomë evropian, shkencëtarë, muzikantë dhe filozofë kanë studiuar dhe punuar atje.
Deri në vitin 2009, kjo ndërtesë ishte Biblioteka Kombëtare, Universitare, Teknike e qytetit, por sot ajo është vetëm Biblioteka Kombëtare e Republikës Çeke.
Biblioteka është një shembull i shkëlqyeshëm i arkitekturës baroke dhe nuk ka ndryshuar qysh prej kur u hap në vitin 1722.
Muret dhe çatia janë zbukuruar me afreske nga Joseph Deibel, duke kombinuar artin me shkencën.
Piktura në kub paraqet Tempullin e Urtësisë, në muret gjen portrete të njerëzve të rëndësishëm të Shoqërisë Jezuite dhe në qendër të sallës mbizotërojnë globet e mëdhenj.
Sot rreth 20.000 libra mund të gjenden në Bibliotekën Clementium dhe kryesisht datojnë nga shekulli i 16-të./Fjala.al
