Ministrja franceze e integrimit Amélie de Montchalin në një prononcim për mediat është shprehur se nuk do të ketë një po automatike nga Franca në lidhje me hapjen e negociatave me Shqipërinë dhe Maqedoninë e Veriut.
Ajo u shpreh se do presin për të parë përparimin e reformave për të dy shtetet: “Në bazë të progres raportit të ri të vlerësimit të situatës që Komisioni do të publikojë në muajin Mars, ne duhet të shohim nëse kushtet janë përmbushur dhe nëse këto dy shtete kanë bërë përparim të mjaftueshëm në reforma për të filluar bisedimet”.
“Është jashtëzakonisht e rëndësishme, nëse duam të përgatisim një moment pozitiv në muajin Mars që shtetet anëtare të japin shpejt miratimin e tyre për metodologjinë – ose jo dhe në këtë rast ne do të vendosim se çfarë do të bëjmë më pas”, është shprehur së fundmi de Montchalin. /Fjala.al
