Mjeku kinez i cili paralajmëroi që në muajin dhjetor sesa i rrezikshëm ishte coronavirusi është në spital duke u trajtuar. Disa orë më parë mediat shtetërore raportuan se ai kishte vdekur.
Spitali Qendror Wuhan tha se Li Wenliang, 34-vjeç ishte në gjendje të rënduar, por nuk kishte humbur jetën siç dhe u raportua nga mediat.
Mediat e shumta shtetërore përfshirë Global Times dhe People Daily, gazeta zyrtare e Partisë Komuniste në pushtet, kishin thënë më herët se Li kishte vdekur, por më vonë i fshinë raportet e tyre.
Pas raporteve fillestare që thanë se ai kishte humbur jetën, në media sociale kineze shpërtheu një prierje e pikëllimit dhe zemërimit.
Li ngriti alarmin për coronavirusin në muajin dhjetor duke postuar në grupin me mjekë të tjerë, se shtatë pacientë ishin diagnostikuar me një sëmundje të ngjashme SARS dhe ishin karantinuar në spitalin Wuhan. Menjëherë pas mesazhit Li u thirr në polici dhe u akuzua për shpifje.Fjala.al
Paralajmëroi për rrezikun e coronavirusit më 30 dhjetor, humb jetën mjeku
