Deri tani historia ka treguar se amerikanët nuk ia lënë kurrë çështjet e sigurisë në vendin e tyre një myslimani. Por ka dhe vendime historike. I tillë mund të quhet betimi i shefit të 17-të të policisë së qytetit Paterson.
Gjatë një ceremonie në bashkinë e qytetit, Ibrahim “Mike” Baycora u betua me dorën e majtë në një kopje të Kur’anit si shefi i policisë.
“Në këtë vend ka mundësi. Nuk ka rëndësi nga vjen”, u shpreh Baycora.
Ndërkohë, kreu i bashkisë Paterson, Andre Sayegh, përshëndeti të pranishmit në gjuhën turke.
“Në historinë e SHBA-së Baycora do të jetë turku i parë si shef policie. Ai do të jetë myslimani i parë si shef policie në qytetin Paterson”, tha Sayegh duke shtuar se me këtë gjest SHBA ka bërë histori. /Fjala.al
