Tomor Brahushi, 37-vjeç, ka lindur në qytetin e Elbasanit dhe është braktisur nga prindërit biologjik përpara maternitetit e në moshën 9-vjeçare u birësua nga një çift në Lushnjë.
Ai ka rrëfyer se në moshën 12-vjeçare është përdhunuar. I ftuar në Tvklan, Tomorri tregoi se dëshiron që jeta e tij të ndryshoj pasi ndihet femër dhe dëshiron të kryej operacionet e nevojshme për t’u ndier vetvetja duke mos u gjykuar nga njerëzit e tjerë.
Gjithashtu ai i bëri një kërkesë autoriteteve të Policisë Lushnjë se kërkon mbrojtjen e tyre pasi herë pas herë lekët që ai mbledh nga lypja ja marrin me dhunë njerëz të ndryshëm.
Pjesë nga intervista:
Mirela Milori: Ti ke lindur me dy gjini?
Tomor Brahushi: Ndihem femërore!
Mirela Milori: Ti ndihesh femër?
Tomor Brahushi: Po!
Mirela Milori: Tani do të jesh burrë apo grua? E ke ndarë çfarë do të jesh?
Tomor Brahushi: Nuk kam bërë një jetë, nuk e kam realizuar. Kisha qejf që të bëhesha si Linda Rei, që të jetoja dhe unë një jetë normale si puna e Lindës, si puna e të tjerëve, mos kem ngacmime, mos kem dhunim.
Mirela Milori: Tomor të të bëj një pyetje direket. Do të martohesh me një grua apo me një burrë?
Tomor Brahushi: Jo kështu si jam, nuk martohem me asnjë, vetëm bashkëjetesë.
Mirela Milori: Do të bashkëjetosh me një grua apo me një burrë ?
Tomor Brahushi: (Qesh)
Mirela Milori: Më thuaj të vërtetën mos qesh?
Tomor Brahushi: Kam emocion!
Mirela Milori: Ka patur raste dhune ndaj teje?
Tomor Brahushi: Ka pasur në fillim, më hynin drogaxhinjtë në shtëpi, më dhunonin, më merrnin atë pesë lekëshin që lypja. Me lypje kam jetuar, nuk kam profesion. Më dhunonin, jam dhunuar seksualisht që i vogël, jam përdhunuar që i vogël, që në fëmijëri.
Mirela Milori: Sa vjeç ke qenë?
Tomor Brahushi: Që në moshën 12 vjeç sot jam 37 vjeç dhe jam i qetë dhe dua të kem një mbrojtje nga Policia e Lushnjës, që mos abuzojë njeri të afrohet afër meje.
Mirela Milori: Ishe me prindërit që të rritën? Ju tregove për atë që të ndodhi?
Tomor Brahushi: Po!
Mirela Milori: Çfarë ndodhi?
Tomor Brahushi: Atëherë asgjë s’ndodhi, ai hyri 6 muaj brenda në burg!/Fjala.al
