Presidenti Ilir Meta pati një debat në studion e “Zërit të Amerikës” me gazetarin Arben Xhixho sa i përket opinionit të Komisionit të Venecias për zgjedhjet lokale të 30 qershorit. Gazetari i kujtoi Metës se “Venecia” ishte shprehur se Presidenti kishte tejkaluar kompetencat me anulimin e zgjedhjeve lokale. Por ky konstatim i gazetarit është kundërshtuar nga Meta.
Debati
Gazetari: Komisioni e Venecias e thotë hapur se ju i tejkaluat kompetencat tuaja.
Meta: Jo nuk është kështu…
Gazetari: E thotë.
Meta: Absolutisht.
Gazetari: Po, po
Meta: E keni gabim. Më fal. Kjo ka qenë në raportin paraprak.
Gazetari: Në raportin përfundimtar.
Meta: Nuk është e vërtetë
Gazetari: E thotë
Meta: Është e pavërtetë. Më vjen keq tani.
Gazetari: Unë iu referova përpara se të vija në studio.
Meta: E para nuk ekziston fjala tejkalim në Kushtetutën e Shqipërisë.
Gazetari: Por thotë se veprimi nuk është aq serioz sa për të çuar në shkarkim.
Meta: Kjo është te parapraku që u ndryshua.
Gazetari: Jo, te përfundimtari, doni t’ua lexoj?
Meta: Mund të lexoni variantin tuaj, nuk ka asnjë problem.
Gazetari: Është varianti i “Venecias”.
Meta: Unë e sqaroj më mbrapa sepse nuk e kam me vete.
(Gazetari lexon opinionin e Komisionit të Venecias)
Gazetari: …Pra ata e thonë që nuk është aq serioze sa për t’u shkarkuar.
Meta: Ka një ndryshim të madh midis paraprakut dhe përfundimtarit.
Gazetari: Ky është përfundimtari, pika 81.
Meta: Komisioni i Vencias ka thënë këtë gjë: edhe nëse pretendimet e Kuvendit janë të tilla, përsëri kjo është një çështje jo-serioze për të ndërmarrë një hap të tillë ndaj Presidentit. Fjala tejkalim kompetencash në raportin përfundimtar nuk ekziston.
