Pronari i resorit “Golden” në Shijak, Altin Hajri, është një nga personat e shënjestruar nga OFL dhe tashmë është regjistruar nga SPAK kërkesa për sekuestrimin e pasurisë së tij. Ai është shpallur në kërkim si i dyshuar për pengmarrjen dhe me tej vrasjen e Jan Prengës.
Gjykata e Shkallës së Parë në Durrës, e ka dënuar me 7 vite burg për vrasje të mbetur në tentativë dhe armëmbajtje pa leje. Teksa sot ai është personi më i kërkuar nga policia për ngjarjen e rëndë kriminale të ndodhur më 11 janar 2020 në Kamzës, Altin Hajri kërkohej nga drejtësia për të vuajtur dënimin me 7 vite burg.
Altin Hajri dyshohet se ka rrëmbyer më 17 janar 2020, Jan Prengën në Kamëz, në bashkëpunim me persona të tjerë, duke e dhunuar rëndë dhe më tej e kanë transportuar drejt kompleksit të dasmave në pronësi të tij, “Golden” ku dyshohet edhe të ketë ndërruar jetë si pasojë e plagëve, ndërsa trupin e kanë fshehur ku ende policia nuk ka mundur ta gjejë.
Askush nuk ka plotësuar formularin e deklarimit të pasurisë së tij kështu që SPAK-u ka regjistruar kërkesën e OLF-së për sekuestrimin e pasurisë së Altin Hajrit./Fjala.al
