Stuhia ‘Kiara’ e cila ka goditur këto ditë Britaninë e Madhe, Gjermaninë dhe një pjesë të Evropës Veriore, solli një kolaps të madh në fluturimet ajrore, transportin rrugor dhe atë hekurudhor. Portet u mbyllën, ndërsa autoritetet iu kërkuan njerëzve që të qëndrojnë në shtëpi.
Stuhia u shoqërua me një erë të fortë me një shpejtësi prej 150 kilometrash në orë duke goditur shtëpitë, avionët, madje duke tërhequr zvarrë edhe fëmijët në rrugë.
Në videot e postuara në rrjetet sociale, duket se si stuhia godet avionin gati duke e rrëzuar, ndërsa piloti kryen uljen në mënyrë të suksesshme.
Në një video tjetër, shihen disa fëmijët të cilët era i tërheq zvarrë në rrugët e Anglisë.
10 kompanitë hekurudhore në Britani iu kanë bërë thirrje pasagjerëve të mos përdorin transportin hekurudhor, ndërsa 20 kompani të tjera kanë deklaruar se trenat do të vonohen.
Era ka dëmtuar kabllot kabllot elektrike, ndërsa disa fluturime nga aeroportet e Londrës janë anuluar. Gjithashtu edhe pjesa veriore e Francës ka mbetur pa energji dhe autoritetet e vendit kanë paralajmëruar qytetarët dhe turistët të qëndrojnë brenda shtëpive të tyre.
Stuhia pritet të godasë edhe Norvegjinë jugore dhe pjesët perëndimore të Suedisë, ndërsa dje u anuluan shumë evente sportive, si garat me kuaj, regbitë, por edhe ndeshja e Premier League midis Manchester City dhe Westhamit, si dhe shumë ndeshje në vende të tjera si në Holandë, Belgjikë dhe Gjermani./Fjala.al/
