Analisti Arjan Vasjari ishte i ftuar në emisionin “Real Story” prej ku theksoi se kryeministri i Kosovës Albin Kurti duhet që të përplaset me Richard Grenell, ndërsa shtoi se “aq janë këllqet e zotit Kurti”.
Po ashtu Vasjari deklaroi se Kurti duhet të jetë i qartë dhe transparent me shoqërinë që e ka votuar.
“Ai uji që do të thotë zoti Kurti, është i rëndësishëm për prodhimin kosovar. Pasi ai kosovar nuk shkel dot në Serbi. A do të pranohet produkti ‘Made in Kosova’ në Serbi? Ky është problemi. Është politikë së pari. Nëse bën një marrëveshje për aviacionin civil që e trajton Kosovën si kontratë të thjeshtë dhe jo si shtet. S’ka vlerë. Kosovarët s’kanë nevojë që të jenë vizitorë.
Kurti është i lirë që të bëjë çka të dojë.
Unë e kuptoj se ai jeton brenda kushtëzimeve të tij. Ne jemi një mikro-realitet, që duhet të përballemi me superfuqi të mëdha. Ai duhet të përplaset me Grenell. Aq janë këllqet e zotit Kurti. Ai duhet të jetë i qartë e transparent dhe konkret me shoqërinë e tij që e ka votuar”, pohoi Vasjari.
