Shqiptari trondit Gjermaninë, ekzekuton ish-gruan me 5 plumba

113 563 lexime

124,178FansaPëlqeje

Një 32-vjeçar nga Kosova ka shokuar qytetin e Mainzit ndërsa dyshohet se ka vrarë ish-gruan e tij 33-vjeçare me disa plumba. Sipas versionit zyrtar të policisë gjermane vrasja kishte ndodhur në një prej rrugëve të zonës së Minfeld. Pasi kishte shtënë me armë, kosovari më pas e kishte braktisur makinën e tij, ndërsa gruan 33-vjeçare pa shenja jete e kishin gjetur policia dhe mjeku i emergjencës. Në faqen zyrtare të Policisë së rajonit të Rheinpfalz në Gjermani, janë publikuar detaje nga tragjedia e ndodhur në orët e para të mëngjesit të 8 shkurtit, ku një 32 vjeçar nga Kosova dyshohet se e ka vrarë ish-gruan e tij 33-vjeçare. E gjithë ngjarja ishte zbuluar nga një patrullë e Policisë së zonës së Worth e cila po inspektonte rrugët derisa kishin vërejtur që një makinë e tipit “Ford” ishte ndalur në zonën e Minfeld. Siç thuhet në këtë komunikatë zyrtare, pasi ishte ndalur makina, drejtuesi kishte dalë jashtë dhe në dorë kishte një pistoletë, të cilët e kishte hedhur menjëherë.

Policia i ishte afruar makinës dhe kishin gjetur një grua pa shenja jete në karrigen e pasagjerit, e cila kishte plagë të shkaktuara nga arma e zjarrit. Pasi mjeku i emergjencës kishte arritur në vendin e ngjarjes, kishte mundur të konfirmonte vetëm vdekjen e gruas, që siç thuhet në këtë komunikatë të policisë ka qenë ish-partnerja e kosovarit 32 vjeçar i cili edhe është arrestuar. Lidhur me këtë ngjarje hetimet janë duke i vazhduar ‘Komisioni për Vrasjen’ nga Inspektorati Qendror për Krime. 32-vjeçari nga Kosova mbrëmjen e të shtunës ka dalë përpara gjykatës në Landau. Prokurori publik kishte urdhëruar që i dyshuari të ndalohej urgjentisht. Hetimet janë duke vazhduar nga Zyra e Prokurorit të Landaus dhe nga Komisioni për vrasjet. 33-vjeçares gjatë ditës së djeshme i është bërë autopsia në Institutin e Mjekësisë Ligjore në Mainz. Sipas rezultateve të para të autopsisë, plagët e shkaktuara nga disa të shtëna kanë qenë edhe shkaktare të vdekjes së gruas së re. n.k/Fjala.al/

Lexo edhe :  Përplasjet/Rihapet Gjadri, feston Meloni dhe Rama

 

Të fundit

Gjermania nuk kryeson më renditjen e BE-së në kërkesat për azil

Numri i kërkesave për azil të paraqitura në Gjermani shënon rënie të ndjeshme këtë vit. Për herë të parë...

Shqipëria importon më shumë se eksporton në SHBA / A duhet të shqetësohemi?

Të gjitha mallrat dhe produktet shqiptare që shkojnë drejt Shteteve të Bashkuara do të kenë një tarifë prej 10%, pas aplikimit të tarifave tregtare...

KS Tirana fiton titullin U18 vajza me rezultat 49-36 ndaj Vllaznisë

KS Tirana është shpallur kampione e Shqipërisë në kategorinë U18 për vajza, pas një fitoreje bindëse ndaj Vllaznisë në finalen e Kampionatit Kombëtar të...

Reshjet e dëborës në Korçë, disa fshatra pa energji elektrike

Reshjet e borës të cilat ranë me intesitet të lartë gjatë natës në të gjithë territorin e juglindjes, janë ndërprerë në orët e para...

Prilli rikthen dimrin/Meterologia bën parashikimin: Ja çfarë pritet të ndodhë gjatë javës

Meterologia Anira Gjoni thotë se gjatë kësaj jave, në territorin e vendit do të ketë rënie të temperaturave. Në një emsionin, Gjoni u shpreh...

Lajme të tjera

Web TV