Futbolli shqiptar e sidomos arbitrimi kohët e fundit janë përfshirë në nj kaos dhe janë komentuar shumë negativisht.
Gabimet e gjyqtarëve, të cilët kanë ndikuar në mënyrë të drejtpërdrejtë në rezultatet e ndeshjeve e më pas edhe në renditjet e kategorive janë bërë shumë të shpeshta.
Për këtë arsye ditën e sotme, Federata Shqiptare e Futbollit ka zhvilluar një mbledhje me arbitrat në mjediset e stadiumit “Air Albania”, ku është analizuar edhe situata.
Në këtë mbledhje janë diskutuar probleme e javë ve të fundit si dhe nuk kanë munguar kritikat nga shefi i Sektorit të Arbitrimit, Sokol Jareci, i cili e ka cilësuar si anormale situatën.
“Jemi mbledhur këtu me arbitrat e Kategorisë Superiore dhe të Parë, për seminarin periodik. Ne mblidhemi çdo muaj me arbitrat, por ky seminar përkon me një situatë jo të zakonshme në lidhje me performancën, pasi në katër javët e para të gjysmës së dytë të sezonit gjyqtarët kanë gabuar në disa ndeshje dhe ne jemi këtu për të dhënë argumentet e gabimeve dhe për të gjetur rrugën dalëse nga dalë nga kjo situatë jonormale. Jemi mbledhur për pjesë teorike dhe praktike për të parë argumente e gabimet dhe për të dëgjuar arbitrat se përse kanë gabuar në momente të ndryshme.
Pastaj është pjesa jonë, ne do të tregojmë rrugën e daljes nga kjo situatë dhe t’i japim arbitrave instrumentet e duhura për të dalë nga kjo situatë, që nga ndeshjet e nesërme në Kupën e Shqipërisë, për të pasur një rikthim në performancat normale. ”,-tha Jareci./Fjala.al/
