Dy raste të dhunimit të fëmijëve nga edukatoret e çerdheve, njëri në Shqipëri dhe tjetri në Kosovë, janë denoncuar brenda dy ditëve të fundit.
Tepelenë
Kështu, në kopshtin e fëmijëve të qytetit të Tepelenës, është dhunuar një fëmijë, nëna e të cilit e ka gjetur me shenjën e një pëllëmbë në fytyrë.
Edhe pse ngjarja ka ndodhur në muajin nëntor, ajo është denoncuar ditën e djeshme në emisionin ‘Stop’.
Pas ngjarjes nëna e fëmijës, shkon në Bashkinë e Tepelenës, pasi ky institucion ka në varësi çerdhen. Bashkia ngriti një komision dhe u vendos pushimi nga puna i edukatores.
Sipas dyshimeve të nënës, është përgjegjësja e ushqimit të çerdhes, zonja Shpresa Meta ajo që ka goditur fëmijën e saj, pasi kjo e fundit është shfaqur papritur në shtëpinë e prindit dhe i përgjërohet që ta mbyllë me kaq këtë histori.
Nga ana e saj, edukatorja kur pyetet nga gazetarja edukatorja Shpresa e mohon të ketë ushtruar dhunë. Ndërsa pritet që Bashkia e Tepelenës të ngrejë një komision të dytë për ngjarjen.
Prishtinë
Gjithashtu, edhe në Kosovë, është denoncuar një rast kur edukatorja e kopshtit të fëmijëve “Cambridge Kids” në Prishtinë dhunoi para dy ditësh një fëmijë 1-vjeç.
Reagimi i institucioneve ishte më i ashpër, ku edukatorja u përjashtua nga puna dhe më pas u arrestua.
“Më datën 10 shkurt 2020 në stacionin policor jugu në Prishtinë është iniciuar një rast keqtrajtim i fëmijës. Lidhur me këtë rast policia ka arrestuar personin e dyshuar e cila me urdhër të prokurorit është dërguar në mbajtje për 48 orë”, njoftoi zëdhënsja e policisë, Flora Ahmeti.
Nga ana e saj, edukatorja e kopshtit, Razije Musa, ka reaguar duke thënë se nuk ka ushtruar dhunë ndaj fëmijës, por thjesht i ka tërhequr vërejtje.
Të dyja rastet tregojnë gjendjen e rëndë në kopshte dhe çerdhet e Shqipërisë dhe Kosovës, ky fëmijët bien pre e dhunës së fëmijëve./Fjala.al/
