Shefja e Shërbimit Infektiv në QSUT, Najada Çomo, ka bërë të ditur masat që po merr Shqipëria nga koronavirusi.
‘Në vendin tonë nuk ka vend për panik. Jemi një vend i vogël por nuk ka pasur asnjë rast dyshimi. Masat paraprake për të kuptuar të prekurit bëhen në pikat kufitare. Një ndër masat është matja e temperaturës dhe pyetësori’– tha mjekja në emisionin “Open”.
Kjo deklaratë u kundërshtua nga gazetarja Alma Demiraj. ‘Doktoresha pyetësori bëhet por matja e temperaturës jo’– tha Demiraj.
‘OBSH-ja e shpalli me datë 30 janar emergjencën globale. Pas emergjencës janë marrë masat’ iu kundërpërgjigj Eugena Tomini.
“Ende sot nuk matet nuk matet temperatura. I bëhet kontrolle vetëm atyre që vijnë nga zonat e Kinës”- ndërhyri Demiraj.
