“Newborn”, është prezantuar sot me pamjen e saj të re. Obelisku në qendër të Prishtinës, këtë vit iu kushtua të mbijetuarve të dhunës seksuale gjatë luftës.
Në prezantim e pamjes së re të “Newborn” ishin të pranishëm shumë deputete nga Kuvendi i Kosovës.
Ndërkohë fjalën e mori dhe kryeparlamentarja Vjosa Osmani, e cila deklaroi se gratë e dhunuara do të jenë nder i përjetshëm.
“Jo vetëm ky dedikim, jo vetëm zëri ynë institucional por zëri i të gjithëve është i nevojshëm për të luftuar stigmën e dhunës, këto shkronja tregojnë saktë dhunën që kanë përjetuar viktimat e dhunës.
Dëshiroj edhe njëherë të zotohemi se plaga e viktimave të dhunës do të ketë zë në vend e zë ndërkombëtar, ashtu qysh i dha zë në Kongresin amerikan, Vasfije Krasniqi.
Zotohemi bashkë që Kuvendi do të kumbojë çdo ditë zërin e këtyre plagëve, duke treguar vuajtjet e grave të dhunuara nga lufta.
E kemi borxh që të gjithave tua lehtësojmë dhimbjen grave – gratë e dhunuara do të jenë nderi ynë I përjetshëm”, deklaroi Osmani gjatë prezantimit.
“Newborn” e ndryshon pamjen e saj vazhdimisht, sa herë që në Kosovë ka një ngjarje të rëndësishme.
