Është komplikuar çështja e bërë publike nga “Cadena SER” në lidhje me skuadrën e Barcelnës dhe pagesat e presidentit Josep Maria Bartomeu për të sulmuar kundërshtarët e tij përfshirë këtu edhe yjet e vet skuadrës, si Lionel Messin apo Piquen.
Së fundmi media spanjolle ka raportuar se për të sulmuar Messin dhe djemtë e tjerë të skuadrës, Bartomeu i ka dhënë “I3 Ventures” plot 1 milionë euro.
Pas përgënjeshtrimeve nga ana e klubit spanjoll që hodhi poshtë pretendimet se Presidenti ishte lidhur me këtë shoqëri për të ruajtur reputacionin e tij dhe për të groposur atë të rivalëve dhe disa lojtarëve radio është kthyer sërish zbulimeve.
“Cadena SER” publikoi një dosje me 36 faqe në të cilën konfirmohet se “I3 Ventures” ka në zotërim disa llogari në rrjetet sociale ku transmeton mesazhe negative për disa prej të federuave të Barcelonës, ku përfshihet edhe Messi bashkë me bashkëshorten e tij Antonela, Pique, Xavi apo Guardiola.
Media spanjolle mbi të gjitha njofton edhe se do të publikojë edhe provat që këto para janë hedhur nga llogari jo zyrtare të klubit katalan. Ndërkohë, presidenti i Barçës ka takuar lojtarët dhe ka përgënjeshtruar çdo gjë, duke iu thënë se ata janë pasuria e klubit dhe kurrë nuk ka pasur ndërmend t’i zhvlerësojë./Fjala.al/
